හරි එහෙනම් අවශ්ය මෘදුකාංග දැනට ලබාගෙන ඇත්නම් (අන්තර්ජාල ස්ථාපනය - web installer තෝරා නොගත්තේ නම්) ඒවා පරිගණකයේ පිහිටුවා ගනිමු. මෙය අමාරු කටයුත්තක් නොවන අතර මෘදුකාංග ස්ථාපනය කලින් සිදුකොට ඇති ඕනෑම කෙනෙකුට කළ හැකිය. නමුත් අපි පියවරෙන් පියවර ස්ථාපනය කරන අයුරු බලමු. මා මෙහෙදී offline installer එක ISO image එකක් මගින් ලබා ගෙන ඇතැයි උපකල්පනය කරමි. එම image එක අවැසි නම් dvd එකකට පුළුස්සා ගත හැකිය, නැතිනම් එය winzip හෝ winrar මගින් extract කරගන්න. වෙබ් ඉන්ස්ටෝලර් එකේද අවශ්ය ගොනු online භාගතවන අතරතුර ස්ථාපනය හැරුනුකොට ස්ථාපනය වන ක්රමයේ වෙනසක් නැත. DVD එකකට burn කලේ නම් එය DVD ධාවකයට ඇතුලු කරන්න. Image එක extract කලේ නම් එහි ඇති Setup.hta එක double click කරන්න. එවිට පහත මෙනුව අපට දිස් වේ.
එහි Visual Web Developer 2008 යන්න click කරන්න.
මෙහි terms and conditions accept කර next ඔබන්න. එවිට පහත පරිදි අමතර මෘදුකාංග තුනක් ස්ථාපනය සඳහා පිරිනමනු ලැබේ. ඒ අතුරින් MSDN Express Library සහ SQL Server 2005 Express Edition යන දෙක tick කල බවට සහතික වන්න. මන්ද යත් ඒ දෙක අපට ඉතාමත් වැදගත් වනු ඇති. ඊළඟට Next ඔබන්න.
ස්ථාපනය විය යුතු ස්ථානය ලබා දී Install click කරන්න.
එවිට තෝරාගත් මෘදුකාංගද ඇතුළුව Visual Web Developer 2008 Express Edition ස්ථාපනය වනු ඇති.
හරි එහෙනම් ස්ථාපනය අහවර වුණායින් පසුව Visual Web Developer ආරම්භ කරන්න.
එවිට පහත පරිදි Welcome screen එක ලැබේදැයි බලන්න.
හරි අපි දැන් Visual Web Developer සහ SQL Server 2005 Express Editions ස්ථාපනය කොට හමාරයි. ඊළඟට තියෙන්නෙ SQL Server Management Studio Express ස්ථාපනය කිරීම. මෙය දැන්ම අවශ්ය නැති වුණත් ස්ථාපනය කර තියා ගත්තම ලේසියි. මෙය වැදගත් වෙන්නේ SQL Server 2005 කාර්යක්ෂම සහ සඵලදායි ලෙස භාවිතා කිරීමට වන අතර දත්ත ගබඩා සමග වැඩකිරීමේ පරිපාලන මෙවලමක් (administrative tool) ලෙස ක්රියා කරයි. මෙයද Microsoft මගින් නොමිලයේ ලබාගත හැකි මෙවලමකි. ඒ සඳහා පහත Link එක කරන්න.
http://www.microsoft.com/downloads/details.aspx?FamilyId=C243A5AE-4BD1-4E3D-94B8-5A0F62BF7796&displaylang=en
භාගත වීමෙන් පසු එය ස්ථාපනය කරගන්න.
ස්ථාපනය කිරීමෙන් පසු Start > All Programs > Microsoft SQL Server 2005 > SQL Server Management Studio Express වෙත යන්න.
SQL Server 2005 Express Edition හි default ලෙස connections සඳහා accept කරන්නේ windows authentication වලින් පමණි. එනම් SQL Server 2005 සඳහා log වීමට භාවිතා කරන්නේ වින්ඩෝස් පරිශීලක ගිණුම වන බැවිනි. එමනිසා ස්ථාපනය කළ පරිශීලකයා ඔබ වන බැවින් SQL Server 2005 සඳහා සියළු වරප්රසාද පරිශීලකයා සතු වේ. එනම් ස්ථාපනය කල පුද්ගලයා සතු වේ. දැන් SQL Server 2005 සඳහා සම්බන්ධවිමට Connect කරන්න.
ඉහත authenticate කිර්රිමෙන් පසුව පහත අතුරු මුහුණත දිස් වනු ඇති.
SQL Server Management Studio මගින් අපට SQL server එක manage කර ගත හැකි අනර එහි සැකසුම් වෙනස් කරගත හැකිය. උදාහරණයක් ලෙස අපට ආරක්ෂක සැකසුම් වෙනස් කිරීමට අවශ්ය නම් COMPUTER NAME\SQLEXPRESS (ඉහත රූපයේ ඇති පරිදි නම් TILANTHA\SQLEXPRESS) Right-Click කර Properties තෝරන්න.
එහි Security යටතේ Server authentication වල SQL Server and Windows Authentication mode තෝරන්න.
ඉහත කටයුත්ත දැන් සිදු කිරීම කිසිසේත් අවශ්ය නැත. මන්දයත් SQL Server සමග අපි දැන්ම කටයුතු නොකරන බැවිනි. නමුදු මෙය කලින් සකස්කර තියා ගත්තා වුවද කම් නැත.
හරි දැන් ASP.NET හා SQL Server 2005 මගින් වෙබ් ව්යාපෘති ආරම්භ කිරීම සඳහා පරිගණකය හොඳටම සූදානම්. අපි එහෙනම් ASP.NET මගින් මුල්ම වෙබ් පිටුව සකසා ගන්නා ආකාරය ඊළඟ ලිපියෙන් බලමු.